AKASEKHO EMHLABENI U CONNIE CHIUME

Imboni yezobuciko isiphinde yagqemeka engeqiwa ntwala ngokudlula emhlabeni komlingisi owaziwa umhlaba wonke, u Connie Chiume. Ngokwesitatimende esikhishwe umndeni, ushonele esibhedlela i Garden City, e Gauteng, namhlanje. Ubeseneminyaka engamashumi ayisikhombisa nambili ubudala.

Amagalelo ka Connie ayaziwa kakhulu njengoba ebonakale emidlalweni eminingi kamabonakude,okubalwa kuyona u Velaphi, Sgudi Snays, Rhythm City ne Gomora. Uphinde wabamba iqhaza futhi efilimini yaphesheya,ethandwa kakhulu, Black Panther. Umsebenzi wakhe awugcinanga nje ngokumnika udumo kuphela kodwa wenze wahlonishwa ngezindondo ezahlukene.

Imininingwane egcwele ngezinhlelo zokufihlwa kwaleliqhawekazi ayikakhishwa njengoba konke kusekusha. Siyithimba le Ezasekhaya News, sithi lala kahle  qhawekazi, uyibekile induku ebandla.