AMAZULU AMEMEZELE ABAQEQESHI ABASHA

Amazulu FC aseziqinisekisile izindaba zokuthi aseqoke u Arthur "10111" Zwane no Vusumuzi "Kanu" Vilakazi njengabaqeqeshi bawo abasha. Laba bangena ezicathulweni zika Pablo Franco Martin obekubonakala izinto zingamhambeli kahle njengoba ethole isibhaxu emidlalweni emithathu yokuqala ye Betway Premiership.

Izindaba zokuqokwa kwalabaqeqeshi zidalulwe uMongameli wo Suthu u Sandile Zungu, othi banethemba elikhulu lokuthi isipiliyoni sabo njengabadlali kanye nabaqeqeshi, sizosiza kakhulu ekuthuthukiseni ikhono labadlali abasebancane futhi lizophinde lisize nasekuboniseni labo asebenesikhathi bedlala.

Lolushintsho lwenzeka nje, uSuthu luyibambe emsileni kwi Betway Premiership League kanti lubhekene nomdlalo onzima njengoba luqhathwe ne Stellenbosch emdlalweni weqoqo lokuqala wendebe ye Carling Black Label.