BAZOBHEKANA ENKANTOLO U DJ TIRA NO LUKE

Intandokazi ka DJ wakuleli uMthokozisi Khathi odume ngelika DJ Tira, nomculi osafufusa u Luke Ntombela, kulindeleke ukuba babhekane eNkantolo ngoLwesihlanu mhla zingu 28 ku June.

U Tira wavulela u Luke icala lokuthunaza ngemumva kokuba lentokazi ibhale ezinkundleni zokuxhumana ukuthi ayazi kwenzeka kanjani ukuthi ngelinye ilanga ivuke embhedeni walosaziwayo. Yayikhala ngokuthi ifuna incazelo kuTira ngakho konke okwenzeka ngoba ayikhumbuli lutho kodwa ekwaziyo ukuthi akukho ababevumelene ngako futhi abekho ebudlelwaneni.Yakuveza ukuthi uTira wake wazibika kuyona kodwa yamchitha.

U Luke waphinda waveza izingxoxo eziyimiyalezo ayethumelelana zona noTira,efuna izimpendulo ngokuyikona okwenzeka ngalobusuku angasabukhumbuli. Kwala noma uTira esethembisa ukuthi uzomthathela izinyathelo zomthetho, uthi kulungile akamthathele kodwa ngeke aze ayeke ukufuna iqiniso ngokwenzeka.

Ekhuluma esiteshini somsakazo esingaphansi kuka SABC, uTira uzwakalise ukuthi loku ukwenza ngoba efuna umthetho ukuthi udlale indima yawo kuloludaba.