BAZOTHOLA UKWELULEKWA ABESIKOLE OKUBULAWE KUSONA UTHISHA

UMnyango we Zemfundo kwa Zulu Natal uthi sekujutshwe ithimba elizosiza ngokululeka ngokwengqondo othisha kanye nabafundi base Phikiswayo Primary School, e Ntuzuma. Loku kulandela isigameko esenzeke ngezikhathi zasekuseni namhlanje, lapho kutheleke khona amadoda angaziwa, afike avulela ngenhlamvu ebhekise komunye wothisha, amshiya esephangalele.

Lesigameko siphazamise ukufunda nokufundisa kulesikole njengoba kudingeke ukuthi zimiswe zonke izinhlelo zosuku. Abanye othisha bazwakalise ukuthi sebehlalele ovalweni ngoba ayikaziwa imbangela yokubulawa kukazakwabo ngesihluku esingaka.

U Ngqongqoshe weZemfundo u Mnu. Sipho Hlomuka uthi ngalelithimba abalithumelile bahlose ukusiza othisha nabafundi ukuthi bakwazi ukubhekana nalesimo esibehlele. Uthi bayazwelana kakhulu nabalahlekelwe othandiweyo wabo.

Kuze kube yimanje bebengakabikhona ababoshiwe ngalesigameko kanti kunxuswa abangaba nolwazi olungaholela ekuboshweni kwabo ukuthi baxhumane namaphoyisa aseduze nabo.