BEBEFUNWA UTHULI ABABULAWE E NANDA

Amaphoyisa athi abalisa abathathu abathelwe othulini ngenhlamvu endaweni yase Nanda izolo, bebevele befunwa uthuli njengoba bebhekene nenqwaba yamacala, okubalwa kuwona elokubulala iphoyisa ngonyaka odlule, namanye okubulala enzeke ezindaweni ezahlukene kulonyaka.

Okhulumela amaphoyisa u Robert Netshiunda uthi ingalo yomthetho inqwamane nabasolwa komunye wemigwaqo yakulendawo, bavele bangabuza kodwa bavulela ngenhlamvu bebhekise kuwona. Uthi amaphoyisa awazithambisanga kodwa nawo aphendule ngenhlamvu, basala enkundleni abasolwa abathathu.

Umsolwa wesine obekhona kulesigameko, ukwazile ukuphulukundlela,wadla phansi kodwa amaphoyisa athi asezithendeni zakhe.