I ANC ICHITHA EYOKUHLAKAZWA KWEZINHLAKA ZAYO E KZN

I African National Congress isizichaze njengezingamampunge izindaba zokuthi isezinhlelweni zokuhlakaza izinhlaka zayo zobuholi kwaZulu Natal. Izindaba zokuhlakazwa kobuholi baleliqembu ziqale ukusabalala ezinsukwini ezidlule ngemumva kokuthi ubuholi balo bukazwelonke buhambele kulesifundazwe.

Ekhuluma esiteshini sikamabonakude esizimele ,onguNobhala jikelele waleliqembu u Nomvula Mokonyane uqinisekisile ukuthi izinhlaka zobuholi babo kwaZulu Natal angeke ziphazamiseke. Uthi inhloso yokuhambela kwabo kulesifundazwe bekungukubuyekeza ukhetho oludlule kanye nemiphumela yalo. Uveze ukuthi abaphezu kwako njengamanje, ukuqinisa izinhlelo abazozilandela kuleminyaka emihlanu ezayo.

U Mokonyane uthi bafunde lukhulu emaphutheni abawenzile phambilini, naholele ekutheni bangenzi kahle okhethweni olwedlule, ngakho bazosebenzisa loku abakufundile ukwenza okufanele.