I DA ITHI INKULUMOMPIKISWANO NGOMHLABA IZOPHAZAMISA UMNOTHO

I Democratic Alliance ithi ikholelwa ekutheni inkulumompikiswano ngodaba lomhlaba izophazamisa umnotho, iwenze untengantenge.

 Ikusho loku ngemumva kokuba uMholi we PAC, u Mzwanele Nyontso ezwakalise ukuthi kuzomele kubhekwane nodaba lomhlaba nokungalingani okudalwa ikona. Uthi ngokwakhe kumele kubuyekezwe iziphakamiso zokuthi kushintshwe isigaba 25 somthethosisekelo.

U Mlindi Nhanha we DA uthi loku okushiwo u Nyontso ngesigaba 25 somthethosisekelo, akusilona iqiniso. Uthi lesigaba sivulelekile ukuthi kwenziwe izinto eziningi ezingaholela ekutheni kulungiswe udaba lomhlaba. Uthi elakuleli lidinga indlela ephusile yokubhekana nodaba lomhlaba, kube ezohambisana nomthethosisekelo.

 U Nhanha uthi udaba lomhlaba lungasingathwa ngendlela efanele, nayizinhlaka ezifanelekile kube kuqinisekiswa uzinzo lomnotho kuphinde kuhehwe nabatshalizimali abazosiza ekudaleni amathuba omsebenzi.