I MK ISILUDLULISELE ENKANTOLO YEZOKHETHO UDABA LWAMAVOTI

Iqembu loMkhonto Wesizwe eliholwa ilowo owayenguMongameli wakuleli uJacob Zuma,seluludlulisele enkantolo yezokhetho udaba lwemiphumela yokhetho lwangenyanga edlule. Leliqembu likhala ngokuthi kuningi okungahambanga kahle kulolukhetho futhi lwalungelona olukhululekile nolunobulungiswa.

Akukona okokuqala i MK ifaka isikhalo enkantolo ngemiphumela yokhetho. Kulona lelisonto ike yanikela enkantolo ,inxusa ukuthi kunqandwe ukuhlala kokuqala kwephalamende. Lesicelo asiphumelelanga njengoba ligcine lihlalile iphalamende,kwafungiswa namalunga alo. Kwenzeke loku engekho amalunga e MK kuzwelonke, njengoba ebeshilo  phambilini ukuthi angeke azibandakanye.

Ngokwe MK kumele imiphumela yokhetho ithathwe njengento engekho bese kubanjwa kabusha ukhetho zingakadluli izinsuku ezingamashumi ayisishiyagalolunye. 

Namhlanje u Zuma ubize isithangami sabezindaba lapho kulindeleke ukuthi acacise khona zonke izinto ezithinta iqembu,ikakhulu ukuthi libhekephi ukusuka manje.