IZOBONISWA OKOKUQALA KULELI I ZIPPED

Abantu bakuleli bayilindele ngabomvu ifilimu yakuleli egila izimanga ngokuqoqa izindondo emazweni ahlukene,phesheya kwezilwandle.

Ifilimu i Zipped, ibhalwe,yaqondiswa u Samke Khumalo odabuka kwa Nongoma kanti ibophele abalingisi bakhona la kwa Zulu Natal, okubalwa kubona u Buhle Khumalo, Tha Simelane no Felix Hlophe. Ikhuluma ngowesifazane obhekana nezingqinamba zokuqeda isikole ngemumva kokuhlaselwa isifo esithile kodwa ogcina enqobile ngenxa yokuphikelela. 

Isasasa ngalefilimu kuleli liqutshulwe ukuzuza kwayo izindondo ezintathu,emazweni amathathu ahlukene, okuyi Melika, i Greece ne India. Izokhonjiswa okokuqala kuleli mhla zingu 23 ku August.