ICHAZE UMHLABA NGOMCULO I BIKO'S MANNA

Iqembu lakuleli lomculo i Biko's Manna lichaze umhlaba wonke ngesikhathi licula kwi Americas Got Talent. Leliqembu elakhiwe izelamani ezingo Mfundo, Biko no Manna limenywe kuloluhleloo ngemumva kokuba lizakhele igama ezinkundleni zokuxhumana njengoba selinezinkulungwane zabalandeli okubalwa kubona nosaziwayo abasemikhakheni eyahlukene.

Amajaji aloluhlelo abengawuvali umlomo ngekhono lalezilamani.  U Sofia Vergara uthe babukeka bejabulile futhi kuyabonakala ukuthi bawumndeni onothando. Uncome isinqumo esihle abasithathile sokuthi babe ingxenye yaloluhlelo. U Simon Cowell uthe ngemizuzwana nje eyishumi ubesebonile ukuthi uhlobo luni lomculo leliqembu elizimisele ukuwenza futhi lihleli emkhondweni walo.

I Biko's Manna ivela emndenini wakwa Nokwe, owaziwa kakhulu embonini yezobuciko ngamagalelo awo. Njengamanje isemjikelezweni kwelase Melika lapho licula khona ezindaweni ezahlukene.