IDLULE NEMIPHEFUMULO EMIBILI INGOZI YOMGWAQO E HILLCREST

Abantu ababili bashonile ngesikhathi imoto yabo ibandakanyeka engozini endaweni yase Hillcrest ngezintatha zanamuhla. Lengozi yenzeke ngesikhathi izimoto ezimbili zitholana phezulu ekhoneni lemigwaqo u Inanda no West Riding.

Abezimo eziphuthumayo bathi abalisa ababili abalinganiselwa eminyakeni engamashumi amathathu namashumi amane ubudala,bebevaleleke kanzima emotweni ebebehamba ngayo. Bathi bazamile ukubasiza kodwa besekusemumva kwendaba ngoba besebeshonile.

Owesifazane obeshayela lena imoto, unikezwe usizo lokuqala endaweni yesigameko ngaphambi kokuba aphuthunyiswe esibhedlela lapho ethola khona ukwelashwa. Akukakaziwa ukuthi yini eholele kulengozi.