IFU ELIMNYAMA LISALOKU LIYIGUBUZELILE IMBONI YEZOBUCIKO

Imboni yezobuciko isaloku igubuzelwe ifu elimnyama lokudlula emhlabeni ngokulandelana, kwezintandokazi zayo esezimnkantshubomvu.Kusakhalwa ngokushona kuka Darlington Michaels, obedume ngelika Papa G no Philani Mabanga obedume ngelika Mfundisi Ntshebe, sekuvele ezokushona kuka Sello Motloung. 

U Motloung uzakhele igama emidlalweni eminingi kamabonakude, okubalwa kuyona i The Wife ne Outlaws. Izindaba zokushona kwakhe zidalulwe umndeni wakhe, namhlanje ekuseni. Ngokwesitatimende osikhiphile,uthi nawo usashaqekile ngaloku okuwehlele,wanxusa ukuthi unikezwe isikhathi sokubhekana nesimo. Awuchazanga ukuthi kungabe kube yini eholele ekushoneni kwakhe.

Abanye abasembonini yezobuciko abasanda kudlula kulesikhathi esifushane esidlule, kubalwa u Zanele Mbokazi, u Thabiso Sikwane, uJessica Mbangeni no Sandile " Mapaputsi" Ngwenya.