IMBONI YOMCULO IGQEMEKE UDUME LWENGOZI KUDLULA OWE JAZZ

Imboni yomculo kuleli,ikakhulu umkhakha we Jazz,igqemeke ingozi engeqiwa ntwala ngokudlula emhlabeni komdlali wesiginci obesemnkantshubomvu, uPhilani Ngidi.

U Ngidi uzakhele igama ngesikhathi esebenza nabaculi abahlukene okubalwa kubona i Afro Divas, Mahotela Queens nabanye abaningi. Ikhono lakhe ekuxebuleni isiginci limenze wabalwa namanye amaciko amakhulu kuleli nasemhlabeni wonke futhi limenze wahambela amazwe amaningi ehlukene.

Izindaba zokudlula kuka Ngidi emhlabeni zizwakale ngowakwakhe obhale ku Facebook, ekhala ngokulahlekelwa isithandwa sakhe,umkhwenyana,uyise wezingane,nomngani. Unxuse ukuthi umndeni wakhe usingathwe ngomkhuleko njengoba usazama ukubhekana nalesimo.