INJABULO IFILIMU YAKULELI ITHOLA INDONDO EMELIKA

Injabulo yodwa entokazini yakwaNongoma engumkhiqizi nomqondisi wamafilimu ngemumva kokuthi ifilimu yayo ibuye nendondo eMelika. Ifilimu ka Dr. Samke Khumalo Dludla ebizwa nge Zipped ibiqokwe emikhakheni ye Best Feature Film, Best Music Score ne Best Women Film kwi Africa USA International Film Festival ebibanjelwe e Los Angeles,eMelika. 

I Zipped imayelana nentombazanyana ekhulele endaweni yasemakhaya, ekhungethwe isifo esingaqondakali esenza ibe nobunzima empilweni, kufiphale nephupho layo lokuqeda isikole.Ukubekezela nokuphikelela kwayo kuyayisiza ekutheni iphupho layo lifezeke.

U Dkt. Khumalo Dludla umemezele izindaba zokuthola kwabo indondo ye Best Actress kwi Foreign Film Category ekhasini lakhe la Facebook nalapho abantu bemhalalisele kakhulu. Uthi bakwazile ukubeka iNingizimu Africa kwibalazwe e Hollywood. Ube esenxusa labo abangathanda ukubemukela uma sebefika kuleli ngoMgqibelo, nalabo abangafisa ukubaxhasa noma ingani esemandleni abo ukuba bangahlonizi ukukwenza loko. Ngemininingwane egcwele bangashayela inombolo engu 063 2441907.