ISEXWAYISO NGESIMO SEZULU ESINGESIHLE E KZN

Abenhlangano ebhekele isimo sezulu kuleli, i South African Weather Services, sebekhiphe isexwayiso ngesimo sezulu esingesihle, okulindeleke ukuthi sihlasele ezingxenyeni ezise Nyakathi ne Ntshonalanga ye Kwa Zulu Natal.

Okhulumela lenhlangano, u  Wiseman Dlamini uthi kulindeleke umoya onamandla nongase uholele ekuqubukeni komlilo oyingozi kakhulu. Isifunda saso Thukela, esase Majuba, nezingxenye zase Mzinyathi, uthi yizona okubukeka zizothinteka kakhulu yilesimo esilindeleke ukuthi siqale ngezikhathi zantambama namhlanje.

Kulamasonto edlule, imililo yequbula isidlule nemiphefumulo yabayishumi nane kulesifundazwe, yacekela phansi impahla nengqalasizinda. Loku sekuholele ekutheni uNdunankulu ,uThami Ntuli, azibophezele ekutheni kuqiniswe izinhlelo zokuvikela imiphakathi kulesimo sezulu esiguquguqukayo.