ISIDLULE NOMPHEFUMULO WOYEDWA I MONKEY POX

UMnyango weZempilo ku Zwelonke uthi kunomuntu oyedwa oseshonile ngenxa yesifo i monkey pox. Okhulumela lomnyango u Foster Mohale uthi umlisa wase Ladysmith obeneminyaka engamashumi amane ubudala,ushonele ekhaya lakhe ngoMsombuluko. Uthi ngosuku olwandulela ashone ngalo, wayekade ethole imiphumela eveza ukuthi uhaqwe ilesifo.

Bakhona nabanye asebehlonziwe ukuthi banalesifo ezingxenyeni ezahlukene kuleli. Bonke laba kuvela ukuthi alukho uhambo  abasanda kuluthatha oluya emazweni angaphandle. Loku kushiya imibuzo ngomsuka walesifo ngoba phambilini bekunenkolelo yokuthi sifika kuleli nabantu abasuke behambele amanye amazwe. 

Kusukela siqubukile lesifo ngenyanga edlule,sesidlule nemiphefumulo emithathu kanto bayishumi nesithupha osekuqinisekisiwe ukuthi banaso. Bonke laba baneminyaka ephakathi kwengamashumi amabili nantathu nengamashumi amane nantathu.

UMnyango wezempilo uthi usebenza ngokukhulu ukuzikhandla ukuzama ukulwisana nokubhebhetheka kwalesifo.