ISIHLUKU ISAGUGA SIPHONSWA EBHULOHWENI

Isaguga esineminyaka elinganiselwa kwengamashumi ayisithupha ubudala,sisinde ngokulambisa ngesikhathi izigilamkhuba zisiphonsa ebhulohweni lomfula uMngeni.

Lesaguga sithi besizihambela kulendawo ngesikhathi kuqhamuka izinswelaboya ezisibambe inkunzi,zasiphuca konke ebesikuphethe. Sithi azigcinanga lapho ngoba zibe sezisiphushela emfuleni,sisuka phezulu ebhulohweni.

Amaphoyisa kaMasipala weTheku ngokubambisana nonogada bakwa RUSA kanye nabezimo eziphuthumayo , basebenze ngokubambisana ukutakula lesaguga,basihlinzeka ngosizo lokuqala ngaphambi kokuba basiphuthumise esibhedlela. Abekho abasaboshiwe ngalesigameko kanti amaphoyisa athi aseqale uphenyo.