ITHOLWE ISISHONILE INGANE EBILAHLEKILE

Ingane yentombazane eneminyaka eyisikhombisa ubudala, obekubikwe ukuthi ilahlekile phambilini, itholwe isishonile. U Zanokuhle Khumalo wase Dumisani Makhaye Village, eMhlathuze, kubikwe ngokulahleka kwakhe ngezikhathi zasekuseni izolo ngesikhathi umndeni ucela usizo lokufuniswa yena.

Isidumbu sika Zanokuhle sitholwe sifihlwe ngaphansi kombhede kwenye yezindawo eziqashelwa ukulala kulendawo. Kunezinsolo ezingakaqinisekiswa  zokuthi uqale wanukubezwa ngocansi ngaphambi kokuthi abulawe.

Uphenyo lwamaphoyisa ngokubambisana nomphakathi, luholele ekutheni kuboshwe owesilisa okusolwa ukuthi uyathinteka kulesigameko. Lomlisa kuthiwa uyena onikeze ngomkhondo wokuthi isidumbu sika Zanokuhle sizotholakala kuphi. Utholwe ecashile endaweni eqashelwa ukulala, umphakathi wambamba wamyeka ngaphambi kokuba umnikele kwabomthetho.