KUDUTSHULWE KWABULAWA EBEBEPHUMA ENKANTOLO YASEMTHWALUME

Abantu abathathu ebebephuma eNkantolo yaseMthwalume, sebedutshulwe babulawa. Laba kuthiwa bebesemotweni ebebehamba ngayo ngesikhathi kuqhamuka izimoto ezimbili ezibavimbile, ebebephakathi kuzona abavele bavulela ngenhlamvu, base bedla phansi.

Okhulumela amaphoyisa kwaZulu Natal u Jay Naicker uthi laba abathathu bashonele enkundleni kanti kunezinsolo zokuthi ababulali babantshontshele izibhamu zabo ngaphambi kokuba baphele emehlweni. Uthi okwamanje ayikaziwa imbangela yokubulawa kwalaba ngesihluku esingaka kodwa amaphoyisa ase Hibberdene aseqale uphenyo.