KUGCINE KUMNQOBILE UKUFA U PRAVIN GORDHAN

OwayenguNgqongqoshe weZezimali, u Pravin Gordhan, usedlulile emhlabeni. U Gordhan obeseneminyaka engamashumi ayisikhombisa nanhlanu ubudala, ushonele esibhedlela namhlanje ekuseni.

U Gordhan ungeniswe esibhedlela ekuqaleni kwesonto, isimo sempilo yakhe singesihle neze.mndeni uthi ubunaye ngesikhathi umphefumulo uphuma futhi uhambe ngokuthula. Ubucayi besimo buze baholela ekutheni i Ahmed Kathrada Foundation ne Defend Our Democracy, babambe izinkonzo zokumkhulekela ukuthi alulame ngokushesha. Kuke kwaba nokudideka osukwini lwayizolo ngesikhathi kukhona abasabalalisa izindaba zokuthi ushonile ekubeni ubesaphila. 

UMongameli u Cyril Ramaphosa usezwakalise ukuphatheka kabi kakhulu ngokudlula kwaleliqhawe lomzabalazo. Uthi elakuleli lilahlekelwe umholi onobuhlakani futhi obehlala enomdlandla wokwenza umsebenzi abesuke enikwe wona.