KUKHALWA NGEMPATHO ESIKHUNGWENI ESIGCINA IZINGANE

UMnyango weZokuthuthukiswa koMphakathi kwaZulu Natal usuzwakalise ukukhathazeka ngezinsolo zokuthi impatho ayiyinhle esikhungweni esigcina izingane ezingenabani eThekwini.Kubikwa ukuthi izingane ezigcinwe e Aryan Benevolent Childrens Home e Chatsworth zibhekana nokuhlukumezeka ngezindlela ezahlukene okubalwa kuzona ukushaywa ngamabhande nangamathawula amanzi.

Okhulumela loMnyango kwaZulu Natal uMhlaba Memela uthi uNgqongqoshe wawo u Mbali Shinga uzohambela kulesikhungo namhlanje ukuze ezozibonela ngokwakhe okuqhubekayo. Uthi labo okuzotholakala ukuthi bayathinteka ezenzweni zokuhlukunyezwa kwezingane, bazobhekana nokujeziswa okubafanele.

Ngale kwaloku,uMemele uthi uNgqongqoshe uShinga uzophinde aqinisekise ukuthi ezokuphepha kwezingane zisesimweni esifanele kulesikhungo.