KUKHALWA NGESIHLUKU OKUBULAWE NGASO ABAYISIKHOMBISA E- HLOKOZI

Umphakathi wase Hlokozi, e Highflats, usashaqekile namanje kulandela isigameko sokudutshulwa kubulawe abantu abayisikhombisa izolo. Kulaba ababulewe, kukhona nezingane ezintathu.

Okukhalisa kakhulu umphakathi, isihluku ababulawe ngaso labantu, nesikhombisa ngokusobala ukuthi okwenzile ubebgenalo noluncane uzwelo. Abadala abane, batholwe bedutshulwe emakhanda, imizimba yabo ihleli kusofa. Undunankulu wesifundazwe, uMnu. Thami Ntuli,usesigxeke kakhulu lesenzo,athi siwubulwane. Kulindeleke ukuthi ahambele kulendawo namhlanje, ukuyohlanganisa amehlo nomndeni olahlekelwe kanye nomphakathi.

Amaphoyisa athi akekho oseboshiwe ngalesigameko kanti uphenyo luyaqhubeka.