KUKHALWA NGOBUGEBENGU KUSHONA U SCREAMER TSHABALALA

Abantu abaningi basola ubugebengu obudla lubi kuleli,ngokudlula kwenkakha yebhola lezinyawo u Stanley "Screamer" Tshabalala. 

U Screamer obeseneminyaka engamashumi ayisikhombisa nanhlanu ubudala, udlule emhlabeni izolo ngo Lwesine ngemumva kokuhlulwa amanxeba ezinhlamvu zesibhamu njengoba ahlaselwa izigilamkhuba ezazigqekeza kwakhe ngo March. Lesigameko esashiya abaningi bethuthumela,senzeka esemzini wakhe eMamelodi kanti bekunenhlasi yethemba lokuthi uzisinda.

U Sbu "Ma Lawyer" Ntshangase owayecula nendodana ka Screamer u Tokollo (nayo engasekho) eqenjini i TKZEE Family, uzwakalise ukudumala enkundleni yakhe yezokuxhumana. Akhala ngakho ukuthi kusheshile ukuhamba kwakhe njengoba ebesanda ukufihla indodana yakhe. Abaningi bakhala ngobugebengu kanye nezibhamu ezisabalele emiphakathini yakuleli.

Amagalelo ka Screamer aziwa kakhulu ebholeni lakuleli,kusukela esengumdlali kuze kuba useba umqeqeshi emaqenjini ahlukene,okubalwa kuwona i Mamelodi Sundowns ne Bafana Bafana. I Orlando Pirates okuyiqembu asebenze nalo kakhulu, lithi lidumele kakhulu ngokudlula kwaleliqhawe. Libe selicela ukunikezwa isikhathi kanye nomndeni waka Tshabalala ukuthi babhekane nalesimo.