KUKHALWA NXAZONKE NGO THULANI MANANA ONGASEKHO

INingizimu Africa yonke, ikakhulu abathandi bomculo wase Zion, bakhala esika Nandi kulandela ukusabalala kwezindaba zokudlula emhlabeni kuka Dkt. Thulani Manana obengumholi aphinde abe umkhiqizi womculo ohlonishwayo.

U Dkt. Manana uzakhele igama ngokusungula amaqembu amaningi omculo we Zion, kwamanye ubecula phambili. Uthole ukuhlonishwa kakhulu embonini yezomculo njengoba ewole izindondo eziningi, ezinye azithole kuma Crown Gospel Awards. Ngale kokuhlonishwa ngeziqu zobudokotela, abaningi besebembiza ngenkosi yesikhalanga.

Isililo ngokudlula kwaleliqhawe kubonakale kakhulu ezinkundleni zokuxhumana njengoba abantu abaningi benikele khona ukuzwakalisa ukuphatheka kabi kwabo. Abanye bebebalula izinto ezinhle futhi ezinkulu abenzele zona nabazenzelwe umculo wakhe.

Udlule emhlabeni izolo nge Sonto  ngemumva kokuxinwa ukugula obesekunesikhathi kumbambile. Izinhlelo zokumfihla bezingakamenyezelwa.