KULIMALE ABABILI KUQOLWA IMOTO YEMALI

Onogada ababili bathole ukulimala ngesikhathi izigilamkhuba zibamba imoto yemali e Shallcross. Lesigameko esishiye umphakathi uthuthumela,senzeke ngezikhathi zantambama izolo.

Abezimo eziphuthumayo bathi babizwe kulendawo ngemumva kokuba kube nokuqhuma okukhulu. Ekufikeni kwabo,bathi onogada ababili bebelele phansi,belimele. Babanikeze usizo lokuqala ngaphambi kokuba babaphuthumise esibhedlela lapho abasathola ukulashwa khona.Ezinkundleni zokuxhumana,abantu bakhala ngokuqhuma okugxabhisa isisu, abathi abakaze bakuzwe njengoba bekuzwakala nasemalokishini angomakhelwane. Omunye uthi ubecabanga ukuthi kuzamazama umhlaba. 

Akukaziwa ukuthi izigebengu zikhale zemuka namalini futhi abekho asebeboshiwe ngalesigameko