KUPHELILE NGE CHISKOP YODUMO

Kungakadluli nesikhathi esingakanani kukhalwe ngokudlula emhlabeni komculi we kwaito, u Sandile " Mapaputsi" Ngwenya,sekudlule enye ingqalabutho yalomculo, u Siphiwe General Thatha Zonke", Sibisi, owaduma kakhulu eqenjini le Chiskop. 

U General ushonele kwesinye sezibhedlela zase Gauteng  ngemumva kokuhlinzwa njengoba ebelashelwa umdlavuza obesekunesikhathi eside elwisana nawo.  Uyena yedwa obesesele kwi Chiskop, ngemumva kokushona kwamanye amalunga ayo ango Sibusiso "SB Bless" Thanjekwayo  , Sizwe "Lollipop" Motaung no Mduduzi "Mandoza" Tshabalala. Kusukela ngo 1995, leliqembu lalibalwa namanye ahamba phambili emculweni kuleli,ligabe ngamanoni okubalwa kuwona athi Uyaclaimer, Abasazi,namanye amaningi. Beliphinde lisekane futhi uma elinye ilunga lalo likhipha umsebenzi walo ngokuzimela. Loku kubonakale kakhulu ngesikhathi u Mandoza ekhipha amanoni okubalwa kuwona i Nkalakatha no Phunyuka Bemphethe,ozakwabo kuyibona abamdanselayo.

Ezinyangeni ezimbalwa ezedlule ngesikhathi ekhuluma kwi podcast ka Sibusiso " Dj Sbu" Leope, i Hustlers Corner, u General ukhombise ukuba nolwazi olujulile ngomculo wakuleli futhi ubesenentshisekelo yokusebenza nabaculi abancane. Ushone ephezu kwamalungiselelo okukhipha umsebenzi ochaza kabanzi ngempilo yakhe.