KUPHENDUKE AMATAFULA U KOMPHELA EBUYELA KU SUNDOWNS

Kuphenduke amatafula i Mamelodi Sundowns imemezela u Steve Komphela njengomqeqeshi wayo omusha. Ungena ezicathulweni zika Rhulani Mokwena oshiye kuleliqembu kulelisonto ngemumva kokuba kube nokungaboni ngasolinye phakathi kwakhe nalo.

Kuzokhumbuleka ukuthi u Komphela uke wake wayiqeqesha i Sundowns kodwa wangahamba kahle  njengoba abalula u Mokwena njengomunye owaba yimbangela yokuhamba kwakhe. Manje itshe ligaya ngomunye umhlathi njengoba sekuwu Mokwena ophumayo,kunguyena ongenayo. Uzosebenza no Manqoba Mgqithi ekulolongeni leliqembu lase Chloorkop elenza kahle kakhulu.

Uthi ukuthokozele kakhulu ukubuyela kuleliqembu ayehlonishwa futhi ayekhuthazeka  ngesikhathi esasebenza kulona. Isifiso sakhe esikhulu ukuthi asize iqembu ukuthi liqhubeke nokuhlonipheka kuleli nakulona lonke izwekazi lase Africa.