KUSHAYISANA IZINKOMISHI E NATURENA

Kubukeka kukuningi okwenzekayo eqenjini lase Naturena i Kaizer Chiefs njengoba lilungiselela i season entsha. I Chiefs ebonakale iphikwa izinto kuleminyaka edlule  njengobakade yagcina ukuphakamisa indebe, izolo nge Sonto imemezele u Nasreddine Nabi odabuka e Tunisia njengomqeqeshi wayo omusha.

Ngaphambi kokuba asayine kwi Chiefs, u Nabi  uphakamise ukuthi anikezwe igunya lokufika nethimba lakhe elizomsiza, nokuyinto avunyeliwe ukuyenza. Kulelithimba kukhona no  Fernardo da Cruz kwesokuba isekela lika Nabi kanye nobozinti u Ilyes Mzoughi. Laba bobabili sebeke babonakala eNaturena benza amalungiselelo e season entsha. UNabi no Fernardo bahlanganile futhi e Turkey lapho aMakhosi abeziqeqesha khona kulezinsuku.

Osekweza kube nokushayisana kwezinkomishi manje e Naturena, ukuvela kwe FUS Rabat yase Morocco , esisha amashushu ngokuthi ifuna u Fernardo abe umqeqeshi wayo omkhulu. Kumanje ziyaqhubeka izingxoxo phakathi kwalezinhlaka ezimbili  kanti kuthiwa kuyaheha kakhulu leliqembu elikubeka etafuleni.

Kunokwesaba ukuthi uma uFernardo evuma ukuya eMorocco,kuzophazamiseka izinhlelo ze Chiefs nokuzophoqa ukuthi ibuyele emumva iye kohlela kabusha.