KUSHONE ABABILI KUNOKUDUBULANA KU-FLORIDA ROAD

Abantu ababili bashonile kwathi abanye ababili balimala ngemumva kokuthi kube nokudubulana kwenye yezindawo zokudlela eku Florida Road, eThekwini, ngezintatha zanamhlanje.

Okhulumela abezimo eziphuthumayo bakwa ALS, u Garrith Jamieson, uthi ngesikhathi befika kulendawo, bafice abantu abane bedindilize phansi. Uthi owesifazane olinganiselwa eminyakeni engamashumi amathathu ubudala, okudutshulwa kwesingenhla, kungekho ebebesengamsiza ngakho ngoba ubeseshonile. Osolwa ngokudubula laba abathathu,uphuthunyiswe esibhedlela edubuleke kanzima naye, wafike washonela khona. Laba abanye ababili,balwela impilo yabo kwesinye sezibhedlela.

Okwamanje akukaziwa okuyikona okuholele kulesigameko kodwa kusolwa ingxabano yasemndenini. Amaphoyisa aseqale uphenyo.