KUTHUNGATHWA ABABULALE OWESILISA E WATERLOO

Amaphoyisa aphansi phezulu athungatha abathintekayo esigamekweni sokudubula, kubulawe owesilisa endaweni yase Waterloo, eThekwini.

Kulesigameko okuthiwa senzeke ngoLewesihlanu, kutholwe owesilisa olinganiselwa eminyakeni engamashumi amathathu nesishiyagalolunye, esephangalele komunye wemigwaqo yakulendawo. Imoto yakhe ibinezimbobo ezintathu zezinhlamvu zesibhamu.

Okhulumela amaphoyisa u Thenjiswa Ngcobo uthi basola ukuthi lomlisa ubulawe inhlamvu emshaye ekhanda. Uthi kumanje baphansi phezulu bathungatha abenzi bokubi.