KUVUNDULULWE AMAKHEBULA EBIWE ANGABIZA IZIGIDI ZAMARANDI

Amaphoyisa asevundulule amakhebula angabiza imali elinganiselwa ezigidini ezingamashumi amabili zamarandi, efihlwe kwenye indawo esebenza ngezinsimbi ezindala, ese Queensburg, eThekwini. U Masipala weTheku uthi lamakhebula antshontshwe kuwona.

Okhulumela amaphoyisa u Robert Netshiunda, uthi bathole ulwazi ngalendawo ngo Lwesibili, base behlanganisa ithimba elozocwaninga ngokuqhubekayo kuyona. Uthi osukwini lwayizolo bagasele kulendawo kungazelelwe, behambisana nabasebenzi baMasipala we Theku ,abaqinisekisile ukuthi lamakhebula antshontshwe kuwona uMasipala. Kuboshwe umlisa oneminyaka engamashumi amahlanu nane ubudala, ozichaze njengemenenja yalendawo.

Ukuntshontshwa kwamakhebula kusaloku kuqhubekile nokuba inkinga enkulu kuleli njengoba kungenye yezinto ezinomthelela omkhulu ekunqamukeni kwamandla kagesi.