KUZOBANJWA IMBIZO EPHUTHUMAYO YAMACIKO ASE KZN

U Ngqongqoshe we Zemidlalo, e Zobuciko nama Siko kwaZulu Natal, u Mntomuhle Khawula, usebize umhlangano ophuthumayo wawowonke amaciko akulesifundazwe. 

Kulomhlangano ozobanjelwa e Playhouse, enkabeni yedolobha iTheku, ngo Mgqibelo mhla zintathu ku August, kuzobe kudingidwa zonke izinkinga ezikhungethe amaciko, kuzanywe nokuqhamuka nezisombululo. U Ngqongqoshe uKhawula uthi uzizwile izikhalo eziqhamuka kubantu abahlukene abakulemboni, ingakho bewuMnyango bethathe isinqumo sokubiza lomhlangano.Uthi kuwumsebenzi wabo ukuthi baqhamuke nomhlahlandlela, baphinde baluleke lapho kudingeka khona.

Kwenzeka oku nje kunomkhankaso ovuthayo lapho amaciko ezinhlaka ezahlukene efuna incazelo ngokusebenza kwezikhungo okuthiwa ezawo kanye nemali ekhishwa uMnyango. Lomkhankaso uqalwe intokazi engu Zama Nteyi ngemumva kokuba ithole impatho engagculisi ngesikhathi iya kofuna indawo yokuzilolonga e KZN Music House. Kusuku lapho ,kuningi okuvelayo,okuqubula izinsolo zokuthi kukhona okungahambi kahle kuloMnyango nasezinhlakeni ezingaphansi kwawo.