KUZOGQOKWA EZIGQAMILE KUPHELEZELWA U THABISO SIKWANE

Umndeni ka Thabiso Sikwane, ongasekho, uthi abazoba yingxenye yokumphelezela kulindeleke ukuthi bagqoke izingubo zase Africa, ezigqamile. Kunxuswa ukuthi bangagqoki ezimnyama njengoba sekuyinto ejwayelekile uma kushoniwe.

U Thabiso obengumsakazi osemnkantshubomvu, udlule emhlabeni ngo Mgqibelo odlule. Ukushona kwakhe kuthuse abaningi njengoba kuthiwa akakhombisanga zimpawu zokugula. Noma kungakadalulwa okuyikona okumthathile, inkulumo eyenziwe owayengumyeni wakhe, uThato "DJ Fresh" Sikwane, ngemumva kokuba kuphume izindaba zokuthi akasekho, iveza ukuthi uthathwe isifo senhliziyo, okungakaveli ukuthi sibangelwe yini.

Inkonzo yokumphelezelwa izobanjelwa e Centurion,e Gauteng, kusasa ngoLwesihlanu. Uzobe eseyolothiswa enkonzweni evalelekile, ezothanyelwa umndeni nabaseduze kuphela.