LIBANJWE ESIBHEDLELA IPHOYISA ELITHINTEKA ESIGAMEKWENI SASE-LINDELANI

Iphoyisa okusolakala ukuthi beliyingxenye yezigilamkhuba eziqole isitolo e Richmond Farm izolo, liboshwe kwesinye isibhedlela esise Nyakatho ye Theku. Kubikwa ukuthi beliyofuna usizo ngemumva kokuthi lidubulekile ngesikhathi kunokudubulana phakathi kwamaphoyisa nezigilamkhuba.

Iphoyisa lokuqala lidubuleke lashona kanye nabanye ababili kulesigameko, leli lathola ukulimala. Beziyisithupha izigilamkhuba ezithinteka kulesigameko kanti akukakacaci kwenzakalani nokuthi ngabe bangamaphoyisa yini laba ababili abadle phansi njengoba bengakatholwa. Endlini okuthiwa eyesigebengu esaziwayo, ebezicashe kuyona izigilamkhuba, kutholwe inqwaba yomfaniswano wamaphoyisa, nezinye izinto zokusebenza. 

U Khomishana wamaphoyisa kwa Zulu Natal, u Nhlanhla Mkhwanazi, uzwakalise ukukhathazeka okukhulu ngamaphoyisa athinteka ebugebengwini. Uthi kukhathaza kakhulu nokuthi asebenzisa izinto zombutho ukuqhuba ubugebengu. Uthi kuzophenywa ukuthi awekho yini amanye amaphoyisa athintekayo ezigamekweni ezifuze lesi.