LIZIBULELE IPHOYISA ELIBULALE OWESIFAZANE NGEMOTO

Iphoyisa ebelifunelwa ingozi yomgwaqo eyenzeka e Phoenix ngezintathakusa zango Lwesihlanu, sekuvele ukuthi lizibulele kwelinye lamahhotela ase Mhlanga.

Leliphoyisa lalihamba ngemoto yomsebenzi ngesikhathi lishayisa u Phumla Mtshali, emgwaqweni u Phoenix Highway. U Mtshali obengumhlengikazi waphelela khona lapho kanti leliphoyisa alizihluphanga ngokuthi lenze izaba zokumsiza, kunaloko ladla phansi. Nokuthi kuze kutholakale ukuthi ilona elenza lomonakalo, kuthiwa kwasiza inombolo yemoto eyatholakala endaweni yengozi, nokuyiyona eyahlonza ukuthi imoto eyophiko lwamaphoyisa. Kunezinsolo zokuthi ngemumva kwalengozi, leliphoyisa libike ukuthi lemoto imoto intshontshiwe, nokusolwa ukuthi iyonandlela ebelizama ngayo ukuphunyuka kulelicala.

Ngaphambi kokuthi leliphoyisa lizibulale, kubikwa ukuthi lishayele izihlobo zalo ezimbalwa ucingo, nokusolwa ukuthi belizazisa ngesinqumo esesilithathile futhi livalelisa.