OKUNGALINDELEKILE U SHIVAMBU ELAXAZA I EFF

Kushaqeke abantu abaningi ngesikhathi kuvela izindaba zokuthi obengu Sekela Mongameli we Economic Freedom Fighters, u Floyd Shivambu, usesulile ekubeni yilunga laleliqembu. Okwenze kwanokushaqeka ukuthi ubebalwa nabanye abayizinsika nomgogodla walo.

U Shivambu kubikwa ukuthi usazise ebusuku bayizolo isigungu esiphezulu ngezinhlelo zakhe zokushiya iqembu. Loku kuthiwa yikona okuholele ekutheni uMongameli we EFF, u Julius Malema, abize isithangami sabezindaba, ukuzocacisa konke okuqhubekayo ngaloludaba.

Izinsolo ezingaqinisekisiwe zithi okuholele kulesinqumo salomholi, kube isithembiso sesikhundla esiphezulu ku Mkhonto Wesizwe. Kuzokhumbuleka ukuthi leliqembu eliholwa yilowo owayengu Mongameli wakuleli,u Jacob Zuma, alikabinabo ubuholi obumile njengoba kusabambe obesikhashana .