OWE MK UKHALA NGABAMDLALISA INJEJE

Oke waba ngumgqugquzeli we MK kwaZulu Natal futhi osegcotshelwe ukuba yilunga lePhalamende kulesifundazwe, uThobani Zuma,uthi ukhathazekile ngokuthi kukhona abamdlalisa injeje ngaphakathi kuleliqembu. Uthi labantu benza konke okusemandleni ukuzama ukungcolisa igama lakhe.

U Zuma usho loku nje kusanda kuqubuka izinsolo zokuthi yena nozakwabo ongu Kwazi Mbanjwa babenxenxa abantu ukuthi badayise ngamavoti abo, bavotele i ANC uma sekukhethwa ozoba uNdunankulu wesifundazwe. Loku kuthiwa kuvele emiyalezweni kamakhalekhukhwini esabalele, nokuthiwa yayibhalwe uyena.

U Zuma uthi akumphethe neze kahle loku ngoba kungcolisa igama lakhe. Uthi angeke aze abanake laba abenza loku kodwa uzoqhubeka nokusebenzela iqembu lakhe ngokuthembeka.