SEKUQALWE UPHENYO NGESIDUMBU SOSANA ESITHOLWE SILAHLIWE

Amaphoyisa athi aseqale uphenyo kulandela isigameko sokutholwa kwesidumbu sosana, silahlwe esigangeni, e Waterloo.

Onogada bakwa Reaction Unit South Africa, bathi lesidumbu sitholwe owesifazane obezihambela, sidindilize endaweni eyibangana ukusuka emtholampilo wendawo, wabe esehlaba umkhosi. Osebenzela i RUSA uthi bathe uma besihlola isidumbu,bathola izimpawu ezikhombisa ukuthi belusanda kubelethwa njengoba nenkaba ibingakasikwa. Eduze nesidumbu kutholwe uplastiki omnyama wokuqoqa udoti, okunokwenzeka ukuthi iwona osetshenzisiwe ukusithwala.

Ongaba nolwazi ngogile lomkhuba, uyanxuswa ukuthi athintane nezinhlaka ezifanele.