SEKUQINISWE EZOKUPHEPHA KUSOSESHINI OKHUNGETHWE IZIMPI ZABAMATEKISI

UNgqongqoshe weZokuthutha kwa Zulu Natal, u Siboniso Duma, usenyuse isibalo sonogada abazoqapha ukusebenza kwamatekisi e Ladysmith. U Duma uthathe lesinqumo njengoba lososeshini ukhungethwe izimpi zabamatekisi, ezigcina ziphazamisa umsebenzi,zibeke engcupheni nempilo yomphakathi.

Sekuthulwe nomkhankaso obizwa nge Operation Shanela emzileni wase Klipriver, nokuyiwona obonakala unezinkinga kakhulu ngoba awunabuholi. Lomkhankaso ohlanganisa nabezokuphepha komphakathi,ubonakala uthela izithelo ezinhle ngoba kusukela wethuliwe, usushaqe amatekisi ayishumi nesikhombisa angenazo izimvume zokuthutha umphakathi, kwaboshwa abantu abayishumi nesithupha.

" Sizosebenza ngokungesabi futhi asizukwenzelela uma kuza ematekisini angenazo izimvume zokusebenza. Sizohlala siwashaqa nje lawomatekisi."- u Duma exwayisa labo abangawugcini umthetho.