SELUSEZANDLENI ZOMNYANGO OLWASESIBHEDLELA SASE WENTWORTH

UMnyango weZempilo kwaZulu Natal usuthembise ukuthi uzobamba umhlangano ophuthumayo neziphathimandla zesibhedlela i Wentworth ukuze kuzoqhanyukwa nesisombululo ezinkingeni ezikhungethe lesikhungo.

Izolo amalunga omphakathi amashele kulesibhedlela,ehambisa uhlu lwezikhalo anazo. Phakathi kwezinto ezikuloluhlu, kubalwa ukunganakelelwa ngendlela efanele kweziguli, ukulinda isikhathi eside ngaphambi kokuba abantu bathole usizo, kanye nokuziphatha kwabasebenzi okuthiwa akukho ezingeni elamukelekile. Izikhulu zesibhedlela zinikezwe  unqamlajuqu wezinsuku ezimbili ukuthi zibuyele emphakathini nezimpendulo.

Okhulumela u Mnyango weZempilo kwaZulu Natal,u Sandile Shabalala, uthi uma uhlu lwezikhalo selufinyelele kubona, bazolucubungula ngokubambisana nezinhlaka ezifanele. Uthi bazobe sebebuyela emphakathini nezimpendulo.