SESINYUKILE ISIBALO SABABULAWE UMLILO WEQUBULA

Ababhekelene nezimo ezibucayi kwaZulu Natal bathi sesinyuke safinyelela kwabayisikhombisa isibalo sabantu ababulawe umlilo wequbula ohlasele izindawo eziseNyakatho nesifundazwe, omandla kakhulu e Howick.  Kulaba abashonile kubalwa nabathathu abayizicishamlilo,ebebekuleyandawo ngenhloso yokunqanda lomlilo ukuthi ungabhebhetheki, wenze umonakalo.

Okhulumela abezimo eziphuthumayo bakwa EMS, u Roland Robertson, uthi ngale kwalabasebenzi abathathu abashonile,kukhona nabanye abalimele kanzima.

Sekuphele isonto lomlilo wequbula uqaliwe ukubikwa ezingxenyeni ezahlukene kanti abaqaguli besimo sezulu bathi ukuguquguquka kwesimo sezulu okubonakala kulezinsuku,kungase kwenze udlange umlilo wequbula kulelihlobo elizayo. Kunxuswa uhulumeni ukuthi ungenelele, kuqhanyukwe nezindlela ezizokwazi ukuhlonza loluhlobo lomlilo ngaphambi kokuthi luqale, kuphindwe kufundiswe nemiphakathi ngalo.