SESIYAZWELA ISIJEZISO KWI ROYAL AM

Umqeqeshi we Royal AM u John Maduka uthi sesiyazwela kubona isigwebo abasinikwa inhlangano eyengamele ibhola emhlabeni ngemumva kokuba behlulekile ukukhokhela u Samir Nurkovik u R12 million okwakumele imkhokhele wona. Leliqembu latholwa ikomidi eliqondisa izigwegwe linecala lokuxosha uNirkovish inkontileka yakhe ingakapheli njengoba ayesahlale izinyanga ezintathu kuphela nje kulona.

UMaduka uthi nakuba bekwazile ukuvika izembe nokudlala emidlalweni yokuhlunga njengoba begcine besendaweni yeshumi nantathu, izinto zinzima ngaphakathi eqenjini ngoba abadlali abanabo abanawo amava. 

Sekuvele ukuthi abadlali abaningi abajabulile kuleliqembu lase Thekwini futhi basezinhlelweni zokulishiya,baye kofuna amadlelo aluhlaza kwamanye amaqembu. Osekuqinisekisiwe ukuthi uyahamba,uMenzi Masuku okuvela ukuthi angeke ayivuselele inkontileka yakhe.