SILWELA IMPILO YASO ISIKHULU SAKWA SARS ESIHLASELIWE

Uqweqwe lommeli wakwa South African Revenue Service u Coreth Naude, oluphambili ekuphenyweni kodaba lwentela yomunye wosomabhizinisi abakhulu kwa Zulu Natal, ulwela impilo yakhe esibhedlela ngemumva kokuthi esinde ngokulambisa ehlaselwa izigebengu izolo.

Okhulumela amaphoyisa akwaZulu Natal u Robert Netshiunda uthi izigilamkhuba bezimlinde esangweni elikhulu lendawo ahlala kuyona u Naude, ese Durban North. Kuthe angaqhamuka, zangabuza lutho kodwa zavulela ngenhlamvu zibhekise emotweni yakhe kodwa wakwazi ukuqhubeka nokushayela kwaze kwaba uthola usizo. Uphuthunyiswe esibhedlela enamanxeba okudutshulwa kanti izigebengu zona zishaye zachitha ngemoto okuvele kamumva ukuthi inezinombolo eziwumgunyathi.

U Khomishana wakwa SARS u Edward Kieswetter uthi ukuhlaselwa kuka Naude ukubona njengemizamo nje yokusabisa abasebenzi balesikhungo. Uthi abasebenzi babo angeke baze bathikamezwe iloku.