SIZOTHUTHUKISWA NGEZIGIDI ISIKHUMULO SEZINDIZA SASE NEWCASTLE

U Masipala wase Newcastle uthi kuzodla izigidi zamarandi ukuthuthukiswa kwesikhumulo sezindiza sakulendawo ukuze sizoba esivulelekile, sikwazi ukumumatha umsebenzi omkhulu kunalona esiwenzayo njengamanje.

Oyisikhulu kuloMasipala,u Mthandeni Mnyandu uthi umnotho nezokuvakasha kulendawo kudinga ukufukulwa ngoba osomabhizinisi bendawo nabaqhamuka kwamanye amadolobha bayahlomula kulesikhumulo, yingakho behlele ukuthi kuphothulwe ukuthuthukiswa kwaso ungakapheli unyaka. 

Imali okulindeleke ukuthi igcine isebenzile,ibalelwa ezigidini ezinhlanu zamarandi kanti kunethemba lokuthi uma loluhlelo seluphothuliwe, luzoheha abatshalizimali abaliqhamukisa ezingxenyeni ezahlukene zomhlaba.