U NOMZAMO MBATHA UPHEPHEZELISA IFULEGI LAKULELI EMAZWENI

Umlingisikazi wakuleli osezakhele igama nakwamanye amazwe, u Nomzamo Mbatha, usaloku eqhubeke njalo nokuphephezelisa ifulegi lakuleli phezulu.

U Nomzamo odabuka elokishini lakwa Mashu, ubuye nendondo yokuba umlingisikazi ovelele ezwenikazi lase Africa, kuma Septimius Awards ase Amsterdam. Lama Awards abaminyaka yonke kanti inhloso yawo ukuhlonipha abalingisi, ababhali, abakhiqizi, nabobonke abathintekayo kwezamafilimu emhlabeni. Indondo uyithole ngokulingisa i Ndlovukazi u Nandi, emdlalweni kamabonakude, u Shaka iLembe.

Akukona okokuqala lentokazi igila izimanga ngoba ike yalingisa emafilimini amakhulu, okubalwa kuwona i Coming to America 2 lapho esebenze khona no Eddie Murphy, ne Assassin ka Bruce Willis. Kukhulu okusalindelekile kuyena njengoba i Shaka i Lembe izokhuza ibuya ihlandla lesibili.