U PULE MABE UQINISEKISA EYOKUSHENXA ESIKHUNDLENI

Owayekhulumela i African National Congress, uPule Mabe, useziqinisekisile izindaba zokuthi useshenxile esikhundleni sokuba yilunga lesigungu esiphezulu kuleliqembu njengoba kunamacala abhekene nawo.

U Mabe nabanye abayisikhombisa, kubona okukhona nowakwakhe u Mmatlhekelo Mabe, babhekene necala lokukhwabanisa imali elinganiselwa ezigidini ezingamashumi amabili nesikhombisa zamarandi. Ngo 2017 kuthiwa inkampani eyamaniswa no Mabe, i Enviro Mobi, yathola ngendlela engafanele ithenda lokuhlinzeka ngezinqola ezingamakhulu amabili ku Masipala wase Ekurhuleni. Lezinqola ezinamasondo amathathu zazizosetshenziselwa ukusiza abasebenza ukuqoqa imfucuza.

Ukushenxa esikhundleni uma umuntu kunamacala abhekene nawo, kungeminye yemigomo emisha ye ANC. u Mabe uthi umbhalelile u Nobhala jikelele weqembu u Fikile Mbalula,ukumazisa ngalesinqumo asithathile.