U Mongameli u Cyril Ramaphosa uthi uhulumeni wobumbano kuzomele ujajwe ngomthelela onawo empilweni yabantu abampofu kuleli.
Ekhuluma ngaphandle kwekomkhulu le African National Congress, e Luthuli House, izolo kusihlwa ngesikhathi kubhekwa osekwenziwe ilohulumeni kulezinsuku eziyikhulu wasungulwa, uRamaphosa uthi usukwazile ukuthuthukisa umnotho nokwenza kube nozinzo kwezepolitiki. Uthi abatshalizimali bakuleli nabasemazweni ahlukene, sebephinde bakhombisa ukuba nentshisekelo yokutshala imali yabo kuleli. Unxuse ukuthi abantu bawubheke ngemisebenzi yawo lohulumeni, bangawubheki ngokwamaqembu awubumbile.
Uhulumeni wobumbano ubunjwe amaqembu ayishumi ngemumva kokhetho lukazwelonke olwalubanjwe ngo Nhlaba.