UKHALA NGENDLALA UMLINGISI OBHINJELWA IZINTO

Umlingisi wakuleli u Carlo Radebe uthi namanje izinto zisambhimbela empilweni njengoba ebhekene nendlala yomsebenzi. 

U Carlo owazakhela igama eminyakeni edlule ngesikhathi elingisa indawo ka Duke emdlalweni owuchungechunge i Backstage, uphumele obala ngasekuqaleni konyaka ecela abantu bakuleli ukuthi bamsize noma ngabe ingani abangaba namandla okumsiza ngayo ukuze akwazi ukuziphilisa. Bakhona abamnikelela ngemali kanti umkhiqizi wemidlalo kamabonakude wafuna ukuxhunyaniswa naye ngenhloso yokumsiza.

Ekhasini lakhe lika Facebook,u Carlo uveze ukuthi akukho okutheni  okusenzekile seloku aphumela obala okokuqala ngesimo sakhe. Uthi ayekuthenjiswe uDuma ka Ndlovu,kokuthi afundise esikhungweni sakhe nokuthi alingise kweminye yemidlalo yakhe uma kuvela isikhala,kwaphazamiseka ngenxa yokhetho. Kuneminye imidlalo emibili athi ikhombise intshisekelo yokusebenza naye kodwa isizihlehlisile izinsuku zokuqopha.Nakuba ebhekene nobunzima kodwa uthi uyaqonda ukuthi nabo bafuna ukubona isimo somnotho ukuthi sizobavumela yini ukuthi bangengeza abasebenzi.

Isimo uthi asisihle neze njengoba sekuphele iminyaka emibili agcina ukusebenza kanti uyakukhumbula ukuba la kuqoshelwa khona ukuze ezokwenza into ayithandayo,okuwukulingisa. Abafisa ukuphosa esivivaneni, bangavakashela ikhasi lakhe ku Facebook,bathole yonke imininingwane yokuthi bangenza kanjani.