UKHALA NGOKUHLUKUMEZEKA OBEKUTHIWA ULAHLEKILE

Owesifazane obesekusabalele izindaba zokuthi ulahlekile,usephumele obala wathi ukhona kodwa uzishiyele ngokwakhe emzini wakhe. UNkk. Simenyiwe Zondo, oshade no Mnu. Sanele Zondo, onguSihlalo wophiko lwentsha lwe Inkatha Freedom Party, aphinde abe yilunga lePhalamende, uthi into emxoshe kwakhe ukuhlukumezeka obesekunesikhathi ekubekezelele.

U Nkk, Zondo uthi ubesembekezelele kwanela umyeni wakhe obemhlukumeza ngokumshaya. Uthi kumumangazile ukuthi kulahlekiswe umphakathi, kuthiwe ulahlekile ekubeni umyeni wakhe ubazi kahle ukuthi ukuphi nokuthi uxoshwe yini. Ukhala nangomndeni wakhe athi umyekelelile, wangamsiza uma ewubikela ngenhlalo yakhe emshadweni.

Eziphendulela kuloku okushiwo umkakhe, u Mnu. Zondo uthi uyena obhekene nokuhlukunyezwa kulomshado njengoba u Nkk. Zondo ubemshaya kuze kungenelele imindeni yabo. Uthi izinkinga emshadweni wakhe zaqala ngesikhathi ethi ufuna ukuletha ingane yakhe ayithola bengakashadi ukuthi izohlala nabo, nokuyinto athi ayehlanga kahle kowakwakhe. Ubalula nokuthi kukhona la owakwakhe amshaya khona naphambi kwamaphoyisa kade ethi uyomvulela icala.

Iqembu le Inkatha kubikwa ukuthi selimumisile u Mnu. Zondo kuyona yonke imisebenzi yakhe ukuze ezobhekana kahle nezindaba zomuzi wakhe.