ULOKU EDLONDLOBALE NJALO U MAC G WE PODCAST AND CHILL

Zibonakala ziloku zimhambele kahle njalo izinto u MacGyver Mukwevho odume ngelika Mac G. Lensizwa engumsunguli we podcast e hamba phambili ezwenikazi lase Africa, isaloku iwuqophe njalo umlando njengoba kamumva nje ipodcast yayo iqokelwe ukuthi ibe uphathina wama BET Awards. Loku kusho ukuthi yena nethimba lakhe bazobe bese America isikhathi esingaphezu kwesonto,nalapho besebenzisana khona nosaziwayo abavela emhlabeni wonke.

Akukona okokuqala u Mac G eqopha umlando njengoba aqala ngokuba ne podcast enabalandeli abaningi kunawowonke kuleli nasezwenikazi lase Africa lonkana. Ngonyaka odlule uqophe omunye umlando ngesikhathi egcwalisa phama i Sunbet Arena eGauteng, nokuyinto engelula neze.

Njengamanje usezinhlelweni zokunxusa abaxhasi ukuthi bafake isandla njengoba bengafisi ukuthi kubekhona abasethimbeni lakhe abazosala kuloluhambo oluyingqayizivele.